Sumqayıt Məişət Tullantıları Poliqonunda yanğın hadisəsi baş verib.

APA TV-nin məlumatına görə, axşam saatlarıdan başlayan yanğının söndürülməsi üçün yanğınsöndürən texnikalar və canlı qüvvə cəlb olunub. Havanın küləkli olması və yanğının əhatəsinin genişlənməsi müşahidə olunub.

Yanğın 5 hektar ərazini əhatə edib və yanğınsöndürənlərin səyləri nəticəsində yanğın ocağı söndürülüb. Hazırda ərazidə tüstülənmə müşahidə olunur.

Yanğına səbəb vaxtı ilə poliqon  ərazisində tullantıların torpaqla  basdırma işlərinin düzgün  aparılmamasıdır.

Poliqonun cavabdeh şəxsləri  barəsində inzibati tədbirlər görüləcək.