Müsavat Partiyasının üzvü Tofiq Yaqublu barəsində olan hökmdən apelyasiya şikayəti verilib. 

 

APA TV-nin xəbərinə görə, bu barədə onun vəkili Aqil Layıcov özünün "Facebook" səhifəsində məlumat verib.

 

O bildirib ki, Nizami rayon Məhkəməsinin hökmündən şikayət verərək, T. Yaqublu barəsində bəraət hökmünün çıxarılmasını tələb ediblər. 

 

Qeyd edək ki, Nizami rayon Məhkəməsinin hökmü ilə Tofiq Yaqublu 4 il 3 ay müddətinə (ciddi rejimli) azadlıqdan məhrum edilib.

 

Xatırladaq ki, Tofiq Yaqublu barəsində Cinayət Məcəlləsinin 221.3-cü (silah qismində istifadə olunan əşyalar tətbiq etməklə xuliqanlıq etmə) maddəsi ilə cinayət işi başlanıb.