Tovuzda bıçaqlanma hadisəsi baş verib.

 

APA TV-nin yerli bürosunun məlumatına görə, hadisə rayonun Düz Qırıxlı kəndində qeydə alınıb. 

 

Kənd sakini, 1977-ci il təvəllüdlü Azər Rzayev bıçaq xəsarəti ilə xəstəxanaya yerləşdirilib. Dərhal xəstəyə lazımi tibbi yardım göstərilib. Müayinə zamanı 43 yaşlı kişinin 2 bıçaq yarası aldığı müəyyən edilib. Xəstə əməliyyat edilib, vəziyyətinin orta-ağır olduğu bildirilir. 

 

Araşdırmalar nəticəsində hadisənin rayonun Düz Qırıxlı kənd sakini, 1978-ci il təvəllüdü Ayaz Məmmədov tərəfindən törədildiyi müəyyən edilib və o saxlanılıb.

 

İlki məlumata görə, hadisə şəxsi münasibətlər zəminində baş verib.

 

Qeyd edək ki, saxlanılan şəxs əvvəllər Rusiyada məhkumluq həyatı yaşayıb.

 

Faktla bağlı araşdırma aparılır.