Tovuzda azyaşlını maşın vurdu
Tovuzda piyadanın vurulması ilə nəticələn yol nəqliyyat hadisəsi baş verib.
APA TV xəbər verir ki, hadisə rayonun Heydər Əliyev prospektində qeydə alınıb.
Belə ki, 2009-cu il təvəllüdlü Əli Ayvazov yolu keçmək istəyən zaman onu hərəkətdə olan “VAZ-2107” markalı minik maşını vurub. 11 yaşlı uşaq xəstəxanaya yerləşdirilib. Həkimlərin sözlərinə görə, onun vəziyyəti kafidir.
Hadisə yerinə polis əməkdaşları cəlb olunub. Faktla bağlı araşdırma aparılır.
