Tovuzda bıçaqlanma hadisəsi baş verib.

APA TV-nin yerli bürosunun məlumatına görə, hadisə rayonun Aşağı Quşçu kəndində qeydə alınıb.

Belə ki, 1990-cı il təvəllüdlü Rəqsanə Məmmədova, əri 1986-cı il təvəllüdlü Məmmədəliyev Malik Şahmar oğlu tərəfindən bıçaqlanıb. Rəqsanə Məmmədova xəstəxanaya yerləşdirilib və əməliyyata götürülüb. Lakin, 30 yaşlı Rəqsanə Məmmədova həkimlərin səylərinə baxmayaraq, xəstəxanada dünyasını dəyişib.

Hadisəni törətməkdə təqsirli bilinən 1986-cı il təvəllüdlü Məmmədəliyev Malik Şahmar oğlu tutulub.

Faktla bağlı araşdırma aparılır.