Tovuzda ölümlə nəticələnən ağır yol-nəqliyyat hadisəsi baş verib.

 

APA TV-nin yerli bürosunun məlumatına görə, hadisə rayonun Xatınlı kəndində qeydə alınıb.

 

Belə ki, Azər Yusibovun idarə etdiyi “VAZ 21099” markalı  avtomobil idarəetmədən çıxaraq, yol kənarına aşıb. Nəticədə sürücü və 2 sərnişin – 1999-cu il təvəllüdlü Toğrul Quliyevlə, onun həmyaşıdı İdris Əliyev xəsarət alaraq Tovuz Rayon Mərkəzi xəstəxanasına yerləşdiriliblər. Həkimlərin səyinə baxmayaraq, Toğrul Quliyevin həyatını xilas etmək mümkün olmayıb. Digər yaralıların vəziyyətləri ağır qiymətləndirilir.

 

İlkin ehtimallara görə, qəzaya yüksək sürət səbəb olub.

 

Faktla bağlı araşdırma aparılır.

 

Fuad Nazimoğlu

APA TV