Ucarda avtomobilin su kanalına aşması nəticəsində 3 nəfər ölüb 2 nəfər xəsarət alıb. 

APA TV-nin yerli bürosunun xəbərinə görə, hadisə ötən axsam saat 21:00 radələrində Bakı-Qazax əsas magistral yolunun Ucar rayonunun Küçəkənd kəndindən keçən hissəsində baş verib.  

Gəncə şəhər sakini Tural İlham oğlu Həmzəyevə məxsus  "Mercedes" markalı minik maşını idarəetmədən çıxaraq su kanalına aşıb. Nəticədə Tural Həmzəyev və şəxsiyyəti hələlik məlum olmayan daha 2 nəfər hadisə yerində dünyasını dəyişiblər.  Bakı şəhər sakinləri-1994-ci il təvəllüdlü Qaraxan Mənsur oğlu Qüdrətov və Oruc Mahir oğlu Tağızadə isə müxtəlif xəsarətlərlə Ucar Mərkəzi Rayon Xəstəxanasına yerləşdiriblər.                                                                                                                                                                                     
Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.       

 

Zahid Abışov                                                                                                                                                                 

Devran Əsgərov