Hazırda Ukraynada və münaqişə baş verən ərazilərdə Azərbaycana məxsus beynəlxalq yükdaşıma xidməti göstərən 30-a yaxın nəqliyyat vasitəsi var.

 

APA TV xəbər verir ki, bu barədə Azərbaycan Beynəlxalq Avtomobil Daşıyıcıları Assosiasiyasının mətbuat katibi Ruslan Eldaroğlu məlumat verib. O bildirib ki, həmin sürücülərlə əlaqə saxlanılıb və vəziyyətləri barədə mütəmadi olaraq maraqlanırlar.

 

Ruslan Eldaroğlunun sözlərinə görə, səfərdə olan sürücülərimiz təhlükəsiz ərazilərdə cəmləşirlər.