Vətən Müharibəsi iştirakçısı olan qardaşlar qəzada xəsarət aldılar
Zaqatalada iki nəfərin xəsarət alması ilə nəticələnən yol-nəqliyyat hadisəsi baş verib.
APA TV-nin məlumatına görə, hadisə Qax-Zaqatala avtomobil yolunun Zaqatala rayonu Muxax kəndi ərazisindən keçən hissəsində qeydə alınıb.
Belə ki, Nail İsmayılovun idarə etdiyi “Hyundai” markalı minik avtomobili ilə “VAZ-2106” markalı minik maşını toqquşub. Nəticədə “VAZ-2106” markalı avtomobildə olan rayonun Çobankol kənd sakinləri, iki qardaş - 27 yaşlı Abdulsəməd Mahmudov və 22 yaşlı Abdulhəmid xəsarət alaraq Zaqatala Rayon Mərkəzi Xəstəxanasına yerləşdiriliblər.
Qeyd edək ki, Abdulsəməd və Abdulhəmid Mahmudov qardaşları Vətən müharibəsi iştirakçılarıdır.
Faktla bağlı araşdırma aparılır.
