Türkiyədə Azərbaycan hərbçilərinin də qatıldığı "Erciyes-2023" təlimləri başa çatıb.

Müdafiə Nazirliyindən APA TV-yə verilən xəbərə görə, təlimlərdə həm gecə, həm də gündüz müəyyən olunmuş koordinatlarla paraşüt tullanışları həyata keçirilib, şərti düşmən məhv edilərək ərazinin təhlükəsizliyi təmin edilib. 2 gün davam edən təlimdə 9 ölkədən 652 personal qatılıb, 5 təyyarə və 354 müxtəlif növ silahlardan istifadə olunub.

“Erciyes-2023” təlimində əsas diqqət qarşılıqlı əlaqədə fəaliyyətlər zamanı döyüş uzlaşmasının təmin edilməsi, təcrübə mübadiləsi və peşəkarlığın artırılması, eləcə də hərbi qulluqçuların bilik və bacarıqlarının daha da təkmilləşdirilməsinə yönəldilib.