Şamaxıda yanğın baş verib, ana və oğlu tüstüdən zəhərlənib APA TV-nin yerli bürosunun xəbərinə görə, hadisə rayonun Mədrəsə qəsəbəsində qeydə alınıb. Rayon sakini, 1984-cü il təvəllüdlü Zeynəb Dursunəliyeva və oğlu, 2003-cü il təvəllüdlü Əli Dursunəliyev tövlədə baş verən yanğın zamanı içəridəki mal-qaranı bayıra çıxarmaq istəyiblər. Bu zaman onlar tüstüdən zəhərlənib. Onlar təcili tibbi yardım stansiyasının avtomobili ilə Şamaxı rayon Mərkəzi Xəstəxanasına yerləşdirilib. Qadın körpə uşaqları olduğu üçün öz xahişi ilə evdə ambulator müalicə olunmasını istəyib. Faktla bağlı araşdırma aparılır.