Mingəçevirdə fərdi yaşayış evində yanğın baş verib.

Hadisə vətəndaş Məhəmməd Əliyevə məxsus ümumi sahəsi 90 m² olan birmərtəbəli evdə qeydə alınıb. Qəfildən başlanan yanğın mənzili tez bir zamanda ağuşuna alıb.

Hadisə baş verən mənzildə ata, ana oğlu yaşayıb. Ev sahibinin oğlu Fərhad Əliyev bildirib ki, yaşadıqları mənzildə qaza borclu olduqları üçün qaz yandırmayıblar. Evi odun sobası ilə qızdırıblar. Yanğın zamanı ev sahiblərindən heç kim evdə olmayıb.

Qeyd edək ki, baş verən hadisə ilə bağlı FHN-də məlumat yayıb. Məlumatda bildirlir ki, yanğın hadisəsi  zamanı ümumi sahəsi 90 m² olan birmərtəbəli 3 otaqlı evin yanar konstruksiyaları və dam örtüyü yanıb. Yaxınlıqdakı tikililər yanğından mühafizə olunub.