Türkiyə Ukraynaya “Bayraktar TB2” pilotsuz uçuş aparatlarının yeni partiyasını göndərib.

 

APA TV “Moskovskiy Komsomolets”ə istinadən xəbər verir ki, Eyni zamanda, Türkiyə tərəfi Ukraynaya döyüş sursatları, hərbi texnika, zirehli gödəkçəkələr və dəbilqələr tədarük edib.

 

Yeri gəlmişkən qeyd edək ki, Son sutka ərzində Rusiya Hava Kosmik Qüvvələrinin aviasiya və hava hücumundan müdafiə sistemləri Ukraynanın 16 hava hədəfini vurub.

 

APA TV-nin Moskva müxbiri xəbər verir ki, bu barədə Rusiya Müdafiə Nazirliyinin rəsmi nümayəndəsi general-mayor İqor Konaşenkov bildirib.

 

Onun sözlərinə görə, Ukrayna Hərbi Hava Qüvvələrinin bir Su-24 və Su-25 təyyarəsi, bir Mi-8 helikopteri və 13 pilotsuz uçuş aparatı, o cümlədən 6 "Bayraktar TB-2"-si vurulub.

 

Operativ-taktiki və pilotsuz aviasiya ilə Ukraynanın 136 hərbi obyektinə, o cümlədən 7 komanda məntəqəsi və rabitə mərkəzinə, 4 zenit-raket kompleksinə, 3 reaktiv yaylım atəşi sisteminə, 4 radiolokasiya stansiyasına, bir elektron döyüş stansiyası, 4 sursat anbarı və 72 hərbi texnikanın toplanması sahəsinə zərbələr endirilib.

 

Kramatorsk yaxınlığındakı hərbi aerodromda Ukraynaya məxsus dörd Su-25 hücum təyyarəsi, bir Mi-24 helikopteri və beş Mi-8 helikopteri olan üç anqar isə məhv edilib.

 

Ümumilikdə, xüsusi hərbi əməliyyat başlayandan indiyədək 156 pilotsuz uçuş aparatı, 1306 tank və digər zirehli döyüş texnikası, 127 reaktiv yaylım atəşi sistemi, 471 səhra artilleriya qurğusu və minaatan, o cümlədən 1054 ədəd xüsusi təyinatlı hərbi texnika məhv edilib.

 

Martın 14-də axşam saatlarında isə Quta-Mehiqorskaya qəsəbəsi ərazisində Rusiya hava-desant qoşunlarının bölmələri millətçilərin və xarici muzdluların yerləşdiyi dayaq məntəqəsini ələ keçiriblər.

 

Rusiya desantçıları Qərb ölkələrinin Ukraynaya verdiyi Amerika istehsalı olan 10 ədəd “Javelin” tank əleyhinə raket komplekslərini və bir sıra digər silah növlərini də ələ keçirib.