Yeni Zelandiyada vulkan püskürməsi zamanı itkin düşən 6 nəfərin meyiti aşkar edilib.

APA TV-nin “Reuters”ə istinadən məlumatına görə, bu barədə yerli polisin “Twitter”dəki səhifəsində məlumat yerləşdirilib.

Qeyd edək ki, dekabrın 9-da Plenti körfəzindəki Uayt-Aylend adasında vulkan püskürüb. Hadisə zamanı yaxınlıqda və adada 47 nəfər - Yeni Zelandiya və Avstraliya, Britaniya, ABŞ, Çin və Malayziyadan gələn turistlər olub.

Ölən 8 nəfərdən 7-si xəstəxanada keçinib, daha 30 nəfər yaralanıb. İtkin düşən 8 nəfərin isə axtarışına başlanıb.

Hazırda xəstəxanalarda 17 yaralı var, onlardan 13-ün vəziyyəti ağırdır.