Yevlaxda yük maşını minik avtomobili ilə toqquşub.

APA TV-nin Mingəçevir bürosunun məlumatına görə, hadisə Bakı-Qazax avtomagistralının Yevlaxın Aran qəsəbəsindən keçən hissəsində baş verib.

Belə ki, “DAF” markalı yük maşını “Mercedes” markalı minik avtomobili ilə toqquşub. Zərbənin təsirindən hər iki avtomobil yol arakəsmələrinə çırpılıb.

Hadisə nəticəsində biri ağır olmaqla iki nəfər xəsarət alıb. Durumu daha ciddi olan 1987-ci il təvəllüdlü Aran qəsəbə sakini Afina Həşimova ətrafdakıların köməyi ilə dərhal Yevlax şəhər xəstəxanasına yerləşdirilib.

Faktla bağlı araşdırma aparılır.