Yol çəkilişi zamanı qaz borusu partladı, yaralılar var - TOVUZDA
Tovuz rayonunda yol çəkilişi zamanı qaz borusu partlayıb, yaralılar var.
APA TV-nin yerli bürosunun xəbərinə görə, hadisə rayonun Xatınlı kəndinin yaxınlığında qeydə alınıb.
Belə ki, yol çəkilişi zamanı qaz borusu partlayıb. Hadisə nəticəsində 1957-ci il təvəllüdlü, Tovuz rayon Düz Cırdaxan kənd sakini Məhərrəm Süleymanov və 1966-cı il təvəllüdlü, Bakı şəhər sakini Sənan İsmayılov xəsarət alıblar.
Yaralılar xəstəxanaya yerləşdiriliblər. Məhərrəm Süleymanovun vəziyyəti ağır, Sənan İsmayılovun vəziyyəti isə orta ağır qiymətləndirilir.
