Yüzlərlə obyektdən oğurluq edən Şəmkir sakini tutuldu
Paytaxtda və Abşeron rayonunda silsilə oğurluq edən şəxs saxlanılıb.
DİN mətbuat xidmətində APA TV-yə verilən xəbərə görə, Bakı şəhər Baş Polis idarəsi, Nərimanov Rayon Polis İdarəsi və 18-ci Polis Şöbəsi əməldaşları tərəfindən həyata keçirilən əməliyyat nəticəsində Şəmkir rayon sakini Sərdar Pənəhov tutulub.
Araşdırma zamanı onun paytaxt və Abşeron rayonunda ümumilikdə 65 ərzaq, geyim və mobil telefon mağazalarından, o cümlədən apteklərdən oğurluq hadisəsi törətdiyi sübuta yetirilib. Sərdar Pənəhov ifadəsində isə törətdiyi oğurluqlarının sayının yüzlərlə olduğunu bildirib.
Faktla bağlı cinayət işi başlanılıb, araşdırmalar davam etdirilir.
