Zaqatalada evdən 10 min manat dəyərində qızıl-zinət əşyaları oğurlayan şəxslər saxlanılıb.

APA TV-nin yerli bürosunun məlumatına görə, rayon Polis Şöbəsinə müraciət edən rayonun Aşağı Tala kənd sakini Dibir Ramazanov evindən qızıl-zinət əşyalarının oğurlanması barədə məlumat verib.

Polis əməkdaşları tərəfindən keçirilən istintaq-əməliyyat tədbirləri nəticəsində hadisəni törətməkdə şübhəli bilinən 2 nəfər, əvvəllər də eyni əmələ görə dəfələrlə məhkum olunmuş 24 yaşlı Elxan Canımov və 20 yaşlı Seymur Mahmudov saxlanılıb.

Araşdırma zamanı oğurlanan qızıl-zinət əşyaları onlardan maddi sübut kimi götürülüb.

Faktla bağlı cinayət işi başlanılıb, istintaq aparılır.