Zaqatalada baş verən yol qəzasında bir nəfər ağır xəsarət alıb.

 

APA TV-nin məlumatına görə, hadisə ötən gün axşam saat 22:30 radələrində Yevlax-Zaqatala-Gürcüstan sərhədi magistral yolunun Zaqatala şəhəri ərazisindən keçən hissəsində baş verib.

 

Zaqatala şəhər sakinləri olan 1987-ci il təvəllüdlü Ülvi Xıdır oğlu Əmirovun idarə etdiyi “Mercedes” markalı 62 BK 997 dövlət nömrə nişanlı minik avtomobili ilə 1985-ci il təvəllüdlü Ramin İsmayıl oğlu Şabanovun idarə etdiyi “Mercedes” markalı 99 NO 062 dövlət nömrə nişanlı minik avtomobili toqquşub.

 

Qəza zamanı ağır qapalı kəllə-beyin travması alan Ülvi Əmirov komatoz vəziyyətdə Zaqatala Rayon Mərkəzi Xəstəxanasının Reanimasiya şöbəsinə yerləşdirilib. Ülvi Əmirova ilkin yardım göstərildikdən müayinə və müalicəsini davam etdirmək üçün Bakı şəhərindəki xəstəxanalardan birinə göndərilib. Digər avtomobilin sürücüsü Ramin Şabanovun xəsarəti yüngül olduğundan, müayinə edildikdən sonra evə buraxılıb.

 

Faktla bağlı araşdırma aparılır.