Qeyd edək ki, anım günü ilə əlaqədar Azərbaycan Respublikasının Baş Naziri Əli Əsədov, Prezident Administrasiyasının rəhbəri Samir Nuriyev, nazirlər, millət vəkilləri və ictmai xadimlər, eləcə də tələbələr Zəfər parkını ziyarət ediblər. Onu da bildirək ki, Zəfər parkında Noyabr – Zəfər Gününü əks etdirən memorial abidə ucaldılacaq. 8 Noyabr prospektində inşa olunan Zəfər parkı doqquz hektardan çox ərazini əhatə edəcək. Əraziyə girişdə 44 tağ elementindən istifadə edilib. Tağlar Qələbəyə aparan rəmzi yolun başlanğıcını tərənnüm edəcək. Giriş portalındakı tağın hündürlüyü 44, eni isə 22 metr olacaq. Tağın üzərində Vətən müharibəsi qəhrəmanlarının adları həkk ediləcək. Tağın üst hissəsindəki ağac elementi böyüyən Azərbaycan, pöhrələnmə, firavanlıq, yeni həyata və Qələbəyə aparan simvolik yol təsəvvürü yaradacaq. Zəfər Muzeyinin əsas girişində yaradılacaq “Dəmir yumruq” simvolunun üzərində Qələbənin tarixi qeyd ediləcək. “Dəmir yumruq” Zəfərin əsasında dayanan Lider, Xalq, Dövlət və Ordu birliyinin rəmzi olacaq. Muzeyin divarında Birinci və İkinci Qarabağ müharibələrində şəhid olmuş əsgər və zabitlərimizin adları həkk ediləcək. AYNUR QARA HƏZRƏT BAYRAMLI APA TV