APA TV xəbər verir ki,  Yasamal rayonu 20 yanvar dairəsi kimi tanınan ərazidə 3 avtomobil toqquşub. Belə ki, “Mercedes” markalı avtomobilin sürücüsü yüksək sürətlə gələrək taksi fəaliyyəti ilə məşğul olan Tamerlan Musayev dayanmış hərəkətsiz olan “Opel” markalı avtomobilinə çırpılıb. Zərbənin təsirindən “Opel” digər eyni markalı avtomobilə dəyib. Hadisə zamanı sonuncu qəzaya uğrayan “Opel” markalı nəqliyyat vasitəsinin sürücüsü xəsarət alıb.

Hadisə yerinə Yasamal Rayon Polis İdarəsi və Yol Patrul Xidmətinin əməkdaşları cəlb edilib.

Avtotexniki ekspertiza təyin edilib. “Mercedes”in sürücüsü isə alkoqol sərxoşluğunun yoxlanılması məntəqəsinə aparılıb. Bundan əlavə qəzaya uğrayan hər 3 avtomobil cərimə meydançasına yerləşdirilib.